2025 жылғы 30 желтоқсандағы № 247-VІІІ Заңымен Қазақстан Республикасының құмар ойын бизнесі туралы заңнамасын бұзуға қатысты Әкімшілік құқық бұзушылық туралы кодекске (ӘҚБтК) өзгерістер мен толықтырулар енгізілді.
Атап айтқанда, ӘҚБтК-тің 445-бабы 10-1 және 10-2-бөліктермен толықтырылды:
Букмекерлік кеңселер мен тотализаторларға қатысты жаңа айыппұлдар
10-1. Букмекерлік кеңсе немесе тотализатор қызметін жүзеге асыратын құмар ойын бизнесін ұйымдастырушының аппараттық-бағдарламалық кешендерді бірыңғай есепке алу жүйесімен интеграциялауды қамтамасыз ету талабын орындамауы немесе бұрын жүзеге асырылған интеграциядан бас тартуы:
- орта кәсіпкерлік субъектілеріне – 300 айлық есептік көрсеткіш;
- ірі кәсіпкерлік субъектілеріне – 1000 айлық есептік көрсеткіш.
10-2. Букмекерлік кеңсе немесе тотализатор қызметін жүзеге асыратын құмар ойын бизнесін ұйымдастырушының бірыңғай есепке алу жүйесінде тіркелмеген ставкаларды қабылдау және ұтыстарды төлеуге тыйым салуды сақтамауы:
- орта кәсіпкерлік субъектілеріне – 300 айлық есептік көрсеткіш;
- ірі кәсіпкерлік субъектілеріне – 1000 айлық есептік көрсеткіш.
Ұялы байланыс операторларының жауапкершілігі
Сондай-ақ ӘҚБтК-тің 637-бабы бойынша ұялы байланыс операторлары үшін де жауапкершілік енгізілді.
Ұялы байланыс операторының халықтың абоненттік ұялы байланыс құрылғыларына құмар ойындар және (немесе) бәс тігулер туралы жарнамасы бар мәтіндік хабарламаларды тарату қызметтерін көрсетуі:
- шағын кәсіпкерлік субъектілеріне – 50 айлық есептік көрсеткіш;
- орта кәсіпкерлік субъектілеріне – 100 айлық есептік көрсеткіш;
- ірі кәсіпкерлік субъектілеріне – 500 айлық есептік көрсеткіш.